Google ADS

Ylli shkëlqen ndaj Sigal Prishtinës

20:49 | 26 Nëntor 2023
D.H

Golden Eagle Ylli ka arritur të mposhtë Sigal Prishtinën me rezultat të thellë 100-80, në kuadër të xhiros së 10-të, në Superligën e Kosovës në basketboll.

Kjo ishte fitorja e pestë me radhë për ekipën nga Suhareka, shkruan Arbresh.info.

Më i dalluari për Yllin këtë ndeshje ishte Jalen Nesbitt me 18 pikë 11 kërcime, kurse për kryeqytetasit Tyron Harris ka qenë më i miri duke luajtur me 20 pikë tre kërcime e katër asistime.

Pas kësaj fitore Golden Eagle Ylli ka një seri prej gjashtë fitoreve e katër humbjeve, ndërsa Sigali ka pesë fitore e katër humbje, teksa ka një ndeshje më pak të zhvilluar.

Ylli lojën e ardhshme e luan në udhëtim te Peja, kurse Prishtina në mesjavë e pretë Trepçën në shtëpi për të luajtur sfidën e mbetur të javës së kaluar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm